2022-2023 ikasturtean jarduera akademikoa estreinatzea aurreikusten duen campus berria Gasteizko Biosfera pasealekuko Salburua eraikinean ezarriko da, Vital Kutxaren egoitza zaharrean. Teknologia Berrien, Kirolaren eta Osasunaren Unibertsitateko campusak 4.200 metro karratutik gorako instalazio modernoak izango ditu, eta bi fakultatetan egituratuko da: Osasun Zientzien Fakultatea eta Teknologia Interaktibo Berrien Fakultatea. Fakultate horietan, gradu, master eta doktoregoko irakaskuntzak eta programa ofizialak ezarriko dira pixkanaka.
Unibertsitate berriak lau gradu eskainiko ditu, horietako bi aitzindariak Euskal Herriko unibertsitate-eskaintzan. Multimedia-ingeniaritzako eta Entretenimenduaren Industriarako Musika-produkzioko eta Soinuko graduak dira.
Bi titulazio horiek gero eta globalagoa eta interkonektatuagoa den mundu batetik eratorritako lan-eskaera berrien abangoardiakoak dira. Jarduera Fisikoaren eta Kirolaren Zientzien Graduak eta Fisioterapiako Graduak –Euskadin eskaera handia duena– osatuko dute eskaintza akademikoa, eta 180 plaza baino ez ditu eskainiko; beraz, eskainitako titulazioei buruz interesa duten ikasle guztiek www.euneiz.com webgunearen bidez jaso eta erregistratu ditzakete eskabideak.
Berrikuntzan eta bikaintasunean oinarritutako irakaskuntza-eredua
EUNEIZek prestakuntza lortu nahi du teknologia berrien eremu espezifikoan, bere eskaintza akademiko osoaren ardatz egituratzaile eta bereizgarri gisa, bai eta osasunarekin eta kirolarekin duen harreman estua ere. Berrikuntzan eta bikaintasunean oinarritutako irakaskuntza-eredu bat proposatzen du, eta “nazioarteko erreferentziazko unibertsitate” bihurtu nahi du sektore estrategiko eta goraka ari direnen sektoreentzat. Gradu horietako bakoitzak 40 plaza eskainiko ditu –60 fisioterapiaren kasuan–, eta ekonomia global berrirako prestatutako profesionalak sortzera bideratuta dago, diziplinarteko prestakuntza baten bidez, oso pertsonalizatua eta proiekzio profesional handiena duten sektoreetara bideratua, etorkizuneko gradudunen enplegagarritasuna handitze aldera.
Teknologia Berrien Fakultatearen barruan, Multimedia Ingeniaritza Gradua (240 ECTS) emango da, IKTekin lotura handia duen gizarte bati erantzuteko eta produktu eta zerbitzu interaktiboen eskaerak areagotzeko. Sorkuntza, diseinua eta ingeniaritza diziplina anitzeko prozesu guztietan integratu nahi dira; hori dela eta, unibertsitateak Multimedia Ingeniaritza Gradua irakastearen aldeko apustua egin du bere ibilbideko lehen urtean, bere zeharkako eduki estrategikoagatik, eta 2023-2024 ikasturtetik aurrera bideojokoen gaineko gradu espezifikoak ezarri aurreko urrats gisa.
EUNEIZek eskainiko duen beste gradu bat –aitzindaria Euskadin– Entretenimenduaren Industriarako Musika eta Soinua (240 ECTS) da. Titulu honen bidez, bideojokoetara eta entretenimenduaren industriara bideratutako musika-ekoizpenerako beharrezkoak diren ezagutzak eta trebetasunak eman nahi zaizkie ikasleei. Eduki digitalak garatzeko unibertsitateko prestakun tza-programa espezifikoen eskasia dago, eta sormen- eta teknologia-esparruetan gero eta profil balioaniztun gehiago eskatzen dira, besteak beste, musikaren arloan. Entretenimenduaren industriarako Musika eta Soinu Ekoizpeneko Gradu berritzaile honetarako, tituludunei lan-irteerak eskaintzen dizkieten sektore nagusiak musika-industria, bideojokoarena, publizitatea, ikusentzunezkoen industria eta industria zinematografikoa dira.
Osasun Zientzien Fakultatea
Osasun Zientzien Fakultatearen barruan, EUNEIZek Jarduera Fisikoaren eta Kirolaren Zientzien Gradua (240 ECTS) emango du. Teknologia Berrietan, Kirolean eta Osasunean espezializatutako unibertsitateak abangoardiako prestakuntza metodologikoa eta teknikoa duten profesionalak prestatzea proposatzen du. EUNEIZek plan bat proposatu du. Teknologia berrien azterketa integratzailea, learning by doing metodologiarekin, kirol-zuzendaritzaren eta berregokitzapenaren alorretara bideratua, Baskonia eta Deportivo Alavesen eskutik, beste arlo profesionalak alde batera utzi gabe.
Azkenik, Fisioterapiako Graduak (240 ECTS) tratamendu berritzaileak garatzeko tresna teknologikoak sar tzea planteatzen du, diagnostikoen eta emaitza terapeutikoen eraginkortasuna hobe tzen lagun tzeko. Ikasleek tresna informatikoak eta gailu mugikorretarako aplikazioak diseinatu eta garatu ahal izango dituzte, ondoren fisioterapeuta gisa duten zereginean sartu ahal izateko, bai diagnostikoari dagokionez, bai jardun-eremu desberdinetako tratamenduari dagokionez. EUNEIZen kasuan, ikasketa teknologikoekiko sinergiei esker, lankidetza-proiektuak egin ditzakegu ikasleak etorkizun digitalerako prestatzeko.
EUNEIZek eskainiko duen gradu horietako bakoitzarekin, aurreikusten da, 2022-2023 ikasturterako, unibertsitateak profesionaltasunera eta ekin tzailetzara bideratutako abangoardiako prestakuntzaren aldeko apustua egingo duela, teknologia berrietan oinarrituta –zeharkako ardatz gisa–, ikasleen nazioartekotzean –herrialde desberdinetako unibertsitate-zentroekin egindako hitzarmenen bidez–, enpresa-sektorearekin duen lotura estuan –enplegagarritasuna bultzatzeko–, eta euskal sektore estrategikoekiko konpromiso irmoan –talentua sortzeko–.