Kategoria: Aplikazioak, jokoak,…

Legends of Runeterra txandaka jokatzen den karta-jokoa da, eta helburu nagusia gure etsaiak akabatzea da. Bereizgarrietako bat da jokoaren mekanikak alde batera uzten duela ausazkotasuna –batzuetan sorginkerietan edo trebetasunetan inplizituki dator–, eta eraso-mekaniketan zentratzen dela, ikuspuntu teknikoago batetik. Ohikoa denez, txanda-sistema bat dugu. Erasorako txanda bat dago, eta defentsarako beste bat; beraz, erasorako kartak mahaian jartzen dituztenean, gure helburua erasoa geldiaraztea izango da. Karta bakoitzak bere lekua hartuko du, eta parean duenari erasoko dio.

Microsoften lasterketa-joko honek Android plataforman lur hartu berri du, betiere mugikorrak jokoa exekutatzeko baldintza egokiak betetzen baditu; izan ere, pisua ia 2 GBkoa da. Forza Streetek atal grafiko ikusgarria du; horregatik da hain pisutsua. Hitz gutxitan, Forza Street oso joko dibertigarria da. Jokoaren eragozpen bakarra kontrola da, eta hori azeleratzera, balazta kontrolatzera eta ezer gutxi gehiagora mugatzen da. Hau da, ezin dugu bolantea kontrolatu; aitzitik, gasa eta ibilgailuaren aukerak kontrolatu behar ditugu, lasterketak irabazteko. Doakoa da.

Zeure buruari eta besteei buru-zorroztasuna erakusteko jokoa da, eta, aldi berean, zure adimen-koefizientea zein den jakingo duzu. Aurkitu zure buruari erronka botatzeko eta hori probatzeko aukera emango dizuten hainbat motatako asmakizun eta hitz-jokoak. Joko original hau zure garuna entrenatzeko diseinatuta dago, bai eta hainbat asmakizun eta logika-erronkari aurre egiteko ere. 200 maila baino gehiago ditu, sinple eta oinarrizkoenetatik hasita zailenetaraino. Trick Me jokoak lagundu egingo dizu memoria entrenatzen eta modu estrategikoan pentsatzen.

UNAI GANDARIAS /2020-04-06/ Eskema guztiak hautsi dituen joko bat badago, hori Fortnite izan da. Ez da battle royale generoan agertu zen lehena, baina doakoa eta, beraz, edonorentzat sarbide askekoa izatea faktore erabakigarria da generoko beste joko batzuk gainditzeko. Titulu honetan, uharte baten gainean, beste 99 aurkariren aurka borrokatzen gara, denen aurka, sumindura eragiten ari dena. Gainera, Minecraft estiloan eraikitzeko aukerak, dituen etengabeko gehikuntzek, denboraldi berri bakoitzaren agerpenarekin aldian behingo erronkek eta plataforma anitzeko ikusmoldeak ezinbesteko jokoa bihurtzen dute.