Berriki jarri du martxan EITBk Whatsapp Orain albiste zerbitzu berria. Formulario baten bitartez harpidetzen da hemen. Hiru kategoriatako albisteak jaso daitezke euskaraz: aktualitatea, politika, eta “ikusmiran”. Behin erregistroa eginda, baieztapen bat iristen da jarritako whatsapp zenbakira eta hortik aurrera albisteak jasotzen hasiko da erabiltzailea, gehienak irudiz eta bideoz lagunduak. Irudia asko zaindu dute eta albisteen maiztasuna ere ez da gehiegizkoa.
Kontsumitzeko ere ohiko albisteak baino arinagoak dira, zuzenagoak eta mugikorreko euskarrira egokituak. EITBk adierazi duenez, 30 urtetik beherako publikoarengana iritsi nahi du bide berri honen bitartez.