Snowboarda, kirol fresko eta gaztea

Snowboarda gaur egungo kiroltzat hartzen den arren, errealitatea da duela ehunka urtetik hona egiten dela. Turkiako etnia batean hasi ziren erabiltzen, elurretan ibiltzeko zurezko ohol bat erabiltzen baitzuten. Hala ere, historia berrienean, snowboarda, elurretako surfa izenez ezagutzen dena, 60ko hamarkadan jaio zen Estatu Batuetan. Michiganeko ingeniari batek jostailu bat asmatu zuen alabentzat, bi eski elkartuz eta soka bati lotuz, taularen kontrola izateko. Snufer deitu zion, eta enpresa bati saldu zion lizen­tzia. Hurrengo hamarkadan, hainbat aitzindarik taulen ekoizpena bultzatu zuten, kirola egiten hasi ziren, eta jarduera nazional bihurtu zen. Snowboardak freskotasuna, gaztetasuna eta muturreko emozioak zituen ezaugarri, eta belaunaldi oso batentzat iraultza izan zen. 1998an kirol olinpiko bihurtu zen Naganoko jokoetan, non slalom eta half-pipe probak sartu ziren. Snowboarda, eskiarekin batera, neguko kirol nagusietako bat da.

Taula ondo kontrolatzen ikasi behar da

Eskiaren oso antzekoa da, eski-estazioetan egiten baita. Eskiarekiko desberdintasun nagusia da taula bat erabiltzen duela bi eskiren ordez, eta ez duela makilarik behar. Oinak oholean finkatzen dira, elurretan irristatu ahal izateko. Snowboardak hainbat modalitate ditu, taula-eredu desberdinak eskatzen dituztenak. Snowboarda praktikatzen duten pertsona guztiek ez dute trebetasun edo esperientzia maila bera, eta, beraz, irristatzen ikasteko eta taula kontrolatzeko oinarrizko teknikak daude.

Snowboarda egiteko beharrezko materiala