Animadeba, Animazioko Zinemaren Nazioarteko Jaialdiak 16. Edizioa ospatuko du 2023ko irailaren 6tik 9era. Debako Udalak hasieratik bultzatu du, eta urtez urte gero eta babes handiagoa lortu du, Euskal Herriko animazioaren panoraman ezinbesteko hitzordu bihurtu arte.
Programazioaren barruan haur eta helduentzako animaziozko filmak (film luzeak eta film laburrak) aurkituko dituzu. Work in Progress Sailean, enbrioi fasean edo garapenean dauden animaziozko film labur eta telesailen aurkezpenak jarraitzeko aukera izango duzu. Case Study Saila, berriz, ia amaituak dauden film luzeak eta bideojokoei zuzendutako gunea da.
Animadeba Lab, animazioari aplikatutako teknologiei buruzko tailerrak eta hitzaldiak dira. Animazioaren bide berriak esperimentatzeko laborategia da.