San Pedro jaiek 50 urte inguruko pertsonei bereziki eskainitako berrikuntza ekarriko dute aurten: Hu-Ha! Remember jaia.
Datorren ekainaren 30ean, 19: 00etatik 03: 00etara, 90eko hamarkadako musika protagonista izango duen jaialdia izango da Andatza plazan.
San Pedro jaiek 50 urte inguruko pertsonei eskainitako berrikuntza ekarriko dute aurten: Hu-Ha! Remember jaia.
Datorren ekainaren 30ean, 19: 00etatik 03: 00etara, 90eko hamarkadako musika protagonista izango da izango duen jaialdia izango da Andatza plazan.
Alonsok nabarmendu zuen hutsetik sortutako ikuskizuna dela, eta bereziki harro daudela. «Hasieratik herriko jendearekin lan egin nahi izan genuen, horregatik jarri ginen harremanetan Sasoeta Sasoian auzo elkartearekin», adierazi zuen.
Jaia 19: 00etan hasiko da, Food Trucks gunea irekiz. Lau eskaintza ezberdin egongo dira: Lasarte-Oriako Furgojaiak bere hanburgesekin, bat hot dog-ekin, beste bat izozkiekin eta azkena beganoentzako karta duen sandwichekin. Gainera, Sasoeta Sasoian enpresak taberna barradun postu bat ere jarriko du. Funtsean musika entzungo da, batez ere 90eko hamarkadakoa.
Ondoren, Madrilen arrakasta lortzen ari den Mikel Bermejo lasarteoriatarrak bakarrizketa eskainiko du, Dario Mares lankidearekin batera.
00: 00etan hasiko da DJ Nemuxen show dance handia, 90eko hamarkadako musikari keinuak eginez. Gainera, zuzeneko emanaldiak tartekatuko dira 03: 00ak arte.
Jaialdia ikusgarria izango da, efektu bereziak, kea, piroteknia eta 20.000 watteko potentzia izango baitute.
Ekitaldi hau jarraitzeko asmoarekin jaio da eta antolatzaileek datorren ekainaren 30ean eguraldia lagun izatea baino ez dute espero.