Euskotrenek astelehen honetan, ekainak 19, hasiko du udako ordutegia Bilboko tren, metro eta tranbia lineetan, zerbitzuen eskaintza uda sasoiko eskarira egokitzeko.
Eusko Jaurlaritzaren sozietate publikoak azaldu duenez, astelehenetik aurrera udako ordutegia jarriko da martxan E1, E2, E3, E4 eta E5 trenbideetan, eta metrokoa, L3. Halaber, Bilboko tranbiaren ordutegia aldatuko da, 15 minuturo bi noranzkoetan zirkulatuko baitu.
INDARTU
Uda iristearekin batera, Euskotrenek bere eskaintza egokituko du “udako beharrak asetzeko”. Horrela, trenen zerbitzu erregularra indartu egingo da hondartzak dituzten kostaldeko herrietara joatea errazteko.
Horrela, trenen eskaintza handituko da Debabarrenean, Debako hondartzarako sarbidea errazteko, eta asteburuetako eta jaiegunetako zerbitzuak indartuko dira Urdaibairantz (Bilbo-Bermeo zerbitzua), Kostaldearantz (Donostia-Zumaia) eta topoan Donostiarantz (Irun-Amara eta Altza/Amara).
Geltokiaren eta Usansoloko Ospitalearen arteko tren-bus zerbitzuan, autobusen irteerak eta etorrerak egokitu egingo dira trenak igarotzeko orduan.