Genero-berdintasunaren arloko zerbitzuak sustatzea emakumeen eta gizonen arteko benetako berdintasuna lortzeko lehenengo urratsetako bat da. Horren harira, genero-berdintasuna sustatzeko heziketa ziklo berria jarriko da abian 2023-2024 ikasturtean Gasteizko Egibide-Molinuevon. Josune Lekuona López de Robles izango da heziketa zikloko koordinatzailea, eta zikloaren aurkezpenean parte hartu du Nerea Melgosa Berdintasun, Justizia eta Gizarte Politiketako sailburuarekin.
“Genero-berdintasuneko goi-maila aurkeztea hezkuntzaz hitz egitea da, baina baita errespetuaz ere. Errespetuak aniztasunean eta askatasunean oinarritutako elkarbizitza hobetzen du; berdintasunak inplizituki balio asko dituelako, gizarte bidezkoago, atseginago eta zoriontsuago batera eramanez”, azaldu du sailburuak. Gainera, LHko Goi Maila honengatik “eta gasteiztar” gisa “harro” dagoela adierazi du, eta berdintasuna Eusko Jaurlaritzaren politiken “ardatza” dela azaldu du.
Melgosak esan duenez, “belaunaldi berriak ere arduratzen dira bizitzaren arlo guztietan emakumeen eta gizonen arteko benetako berdintasuna bilatzeaz; berdintasunean hezi behar delako”. Eta, puntu honetan, Emakunderen programak gogorarazi ditu: Nahiko, haurrentzat; Beldur barik, nerabeentzat, eta Gizonduz, gizon helduentzat.
“Haurrak berdin eta aukera berdinekin jaiotzen dira. Hazten goazen heinean, desberdintasuna gero eta handiagoa egiten da. Horregatik, funtsezkoa da arreta berezia jartzea haren garapenean, eta haren bideak prozesu horretan ez piztea”, azaldu du. LHko Goi Mailako etorkizuneko ikasleei hitz eginez, Berdintasuneko sailburuak “erne egoteko” eskatu die ikasleei. “Zuen zeregina garrantzitsua izango da desberdintasun-testuinguruak detektatzeko, prestakuntza horrek horretarako tresnak emango ditu eta. Eta, zalantzarik gabe, zuen ekarpena garrantzitsua izango da enpresetan, elkarteetan, gizarte-taldeetan edo sindikatuetan”, azpimarratu du Melgosak.
Nerea Melgosak Euskadiko hainbat emakume-talderi entzuteko #Berdinaldia ekimena ere gogorarazi du: “Gure gizartearen aldaketa bizkortu egin behar dugu, belaunaldi berriei entzunez eta beteranoen esperientzia eta gazteen freskotasuna eta gaurkotasuna uztartuz”. Hori dela eta, Egibide-Molinuevoko prestakuntza-maila berriari balioa eman dio, eta eskerrak eman ditu. “Belaunaldi berriak berdintasunean prestatzea ezinbestekoa da desberdintasun-egoerekin amaitzeko. Ziur nago zuen ekimenak balioko duela Euskadin benetako berdintasuna lor-tzeko beste urrats bat egiteko”, ondorioztatu du Nerea Melgosak.
Zikloaren prestakuntza planak arlo desberdinak jorratzen ditu, zenbait lanbide-modulutan banatuta. Horietariko batzuk ondokoak dira: lanbide-moduluak: Gizarte-trebetasunak, Gizartean esku hartzeko metodologia, Informazioa eta komunikazioa generoaren ikuspegitik, Genero-indarkeriaren preben-tzioa, Emakumeentzako enplegua sustatzea, Berdintasuna sustatzeko jardun-esparruak, Laneko prestakuntza eta orientabidea, Enpresa eta ekimen sor-tzailea edo/eta Lantokiko prestakuntza, besteak beste.