Bukelek duela 10 hilabete salbuespenezko erregimen bat aurkeztu zuen, eta horrek hilketen murrizketa historikoa lortu du. Gobernuak 60.000 bandakide baino gehiago harrapatu ditu eta haien buruzagien aurkako setioa egin du. Giza eskubideen aldeko erakunde askok tortura erabiltzea, atxiloketa arbitrarioak eta bortxazko desagertzeak leporatzen dizkiote Gobernuari, marak deiturikoen aurkako oldarraldian. Espetxe berria eraikitzeari dagokionez, gardentasun eza salatu duten oposizioaren kritikak izan dira.
Nayib Bukele El Salvadorreko presidenteak iragarri du zazpi hilabetean espetxe erraldoi bat eraiki dutela herrialdeko eremu bakarti batean. Espetxea Terrorismoaren Konfinamendu Zentroa izenarekin aurkeztu da mundura, Amerikako kartzelarik handiena gisa, eta helburu argi batekin: Erdialdeko Amerikako agintariak piztu duen gerra eztabaidagarriaren testuinguruan, taldeetako kideak, marak direlakoak, giltzapetzea. Aurkezpen-bideoan, pelikula baten trailerra balitz bezala, Bukele espetxeko instalazioak bisitatzen ikus daiteke, segurtasun-neurri ugarirekin. Bideo honetan instalazio berriak, distiratsuak, espazio zabalak, gimnasioa eta abar agertzen dira. Eszenaratze zaindua benetan.
Zentroa, presidenteari bideoan azaltzen diotenez, Gobernuak erositako 165 hektareako espazio bakarti batean eraiki da. Guneak barrakoi handiak ditu, non pre- soak itxita egongo diren, eta, azal-pen ofizialaren arabera, lan egitera behartuko dituzten lantegiak izango ditu. Eszenek, halaber, dozenaka polizia eta istiluen aurkakoak erakusten dituzte entrenamendu-maniobretan, gunean zehar eta gelaxken artean mugitzen, isolamendu-eremuak barne. Segurtasun goreneko espetxeak 2,1 kilometroko perimetro horma du, eta 600 soldaduk eta 250 poliziak zainduko dute gau eta egun.
Eta ezin zitekeenez bestela izan, bigarren roundak ez du imajinaziorako betarik uzten: kamerek ehunka gizon erakusten dituzte, El Salvadorreko kartzeletatik, azpiko arropa zuriz jantzita, autobusetan Nayib Bukele presidentearen segurtasun-politikaren proiektu kutunera eramaten. Bere Twitter kontuan zabaldu du bideoa. Bertan, bandetako kideak eskuburdinak jarrita ateratzen dituzte geletatik, gorputza makurtuta ibiltzen dira, autobusetara igotzen dira eta segurtasun goreneko espetxe berriraino iristen dira.
Instalazioek hainbat sekzio eta modulu dituzte, eta presoak birgaitzeko diseinatu omen dira. Helburua gizartearentzat baliagarriak diren lanak garatzea da, beraz, tailerrak egiteko gune bereziak egongo dira. Multzo horien gakoetako bat da bereziki prestatuta daudela presoek barnean elkartu ez daitezen eta etorkizunean taldeak osa ditzaten. Horrela, batez ere, delinkuentzia saihestu nahi da, baita zentroaren barruan ere.
Maquetación 1
El Salvador, erdigunean
Argi dagoena da elastiko gabeko presoen irudiak, bandetako tatuaje bereizgarriekin, eskuburdinak jarrita, makurtuta eta pilatuta, munduan zehar ibili direla azken egunotan, eta horrek jomugan jarri du El Salvador. Badirudi estrategia ondo atera zaiola Bukeleri. Eta ezin zitekeenez bestela izan, kritikak ailegatu dira. Gustavo Petro Kolonbiako presidenteak eta Nayib Bukelek eztabaida piztu dute Twitterren, Erdialdeko Amerikako herrialdeak krimenak murrizteko erabiltzen dituen metodoengatik. Polemika Bukelek bideo bat argitaratu zuenean hasi zen, non Petrok El Salvadorreko agintariak mareren aurkako borrokan erabiltzen zituen metodoak kritikatzen zituen. Argitalpenean, kolonbiarrak “kontzentrazio-esparrua” deitu dio kartzelatzarrari. Berehala erantzun zion El Salvadorko presidenteak Petrori: “Emaitzek erretorikak baino pisu han- diagoa dute”.