Yoga diziplina bat da, geure buruarekin konektatzeko eta unea bizitzeko aukera ematen diguna eta barne-bakea eta gure gorputz eta adimenarentzat onura asko dakarzkiguna. Gaur egun, yoga onura fisiko eta mental ugari dituen jarduera bihurtu da. Gorputza eta burua lantzen dira, eta, aldi berean, oreka irabazten laguntzen duten eta muskuluei malgutasuna gehitzen dieten eta kontzentrazioa hobetzen duten hainbat ariketa egiten dira.
Normalean, yoga leku itxi batean egiten da, baina gero eta jende gehiago animatzen da aire zabalean yoga egitera. Praktika honek yoga saio bati buruz izan dezakegun kontzeptua aldatzen duten faktore erantsi batzuk ditu.
Yoga aire zabalean egitearen onurak:
Aire garbia arnastea: aire garbia arnastea eta gure nerbio-sistema lasaitzea, ongizate-egoera orokorrari laguntzen baitio.
Barne-bakea: barne-bakea bilatzen dugu, eta, horretarako, geure buruarekin pozik sentitu eta harmonia izan behar dugu. Natura bete-betean dagoen ingurune honetan, errazagoa izango da gure eguneroko kezketatik aldentzea eta geure buruarengan arreta jartzea, yoga egiten dugun bitartean eta alderdi fisikoa adimenarekin eta arimarekin lotzen dugun bitartean.
Barne- eta kanpo-oreka: hainbat eremutan yoga egiteak modu osoagoan lan eginarazten digu, eta erliebe desberdinetara (harea, belarra, arroka) egokitzen irakasten digu. Gainera, giroko soinuen abantailek entzutea errazten dute eta gure barrua orekatzen dute.
Energiaren birkarga naturala: naturan denbora pasatzeak tentsioak eta metatutako estresa askatzen ditu, eta gure organismoaren energia handitzen du. Gainera, kanpoko espazio batean yoga praktikatzen badugu, etengabeko energia-iturri bihurtzen da.
Kontzentrazioa hobetzen da: giro lasaia oinarrizkoa da yogarako eta meditaziorako, baina, batez ere, garrantzitsuena aire zabalean natura betean praktikatzea da. Haren soinuek, aire garbiak nahiz zabaltasunak kontzentrazioa errazago lortzea ahalbidetuko digute.
D bitaminarekiko esposizioa: eguzkitan praktikatzen badugu, ahal dela goizean edo arratsaldeko azken orduan, gure gorputzarentzat hain beharrezkoa den D bitamina hartzen ariko gara. Garrantzitsua da eguzki-babesa erabiltzea, nahiz eta eguzkia oso indartsua ez izan.
Zeure buruarengan konfiantza izatea: beldurgarri samarra izan daiteke kanpoan yoga egitea, mundu guztiaren aurrean zauden leku batean. Horixe da, hain zuzen ere, zeure buruarekiko konfiantza hori lortzea eta naturak aire zabalean eskaintzen digunaz gozatzea.
5 zentzumenak aktibatzea: kanpoan yoga egiteak aukera ematen digu non gauden, zer soinu eta usain hautematen ditugun, eta argiztapena eta tenperatura baloratzeko.
Ikuspegiak: etxe barrua kanpoko espazio batekin aldatzeak hobeto sentiaraziko gaitu, eguneroko errutina hautsiko baitugu eta, aldi berean, etxean eduki ezin ditugun naturaren ikuspegiez gozatuko baitugu.
YOGA-ASANA ERRAZAK
Yoga-jarrerek edo asana direlakoek onura fisiko eta mental handiak dituzte, eta horietako asko zientzia modernoak egiaztatu ditu. Asanak gorputza eta burua orekatzeko egiten diren jarrerak dira. Munduan izaki adina asana dagoela esaten da. Yoga praktikatzen hasteko, maila errazeko asanak daude, eta honako hauek erakutsiko dizkizugu:
Jarrera erraza (Sukhasana): Oinak gurutzatuta eserita, meditazio-postura horrekin has zaitezke. Jarrera horren helburua belaunak ahalik eta gehien jaistea da, lurretik gertuago geratuz.
Haurraren jarrera (Balasana): Erlaxatzeko eta bizkarreko tentsioa askatzeko aukera emango digu. Jarrera hori lortzeko, belauniko jarri eta orpoen gainean eseri behar dugu. Oinetako hatz lodiak elkartu eta saiatu ipurmasailak orpoetan itsatsita mantentzen. Kopetak zoruan bermatuta egon behar du, eta besoak, berriz, gorputzaren alde banatan.
Pintzaren jarrera eserita (Paschimottanasana): Makurdura-jarrera bat da; eserita gaudela aurrerantz makurtuko gara, burua belaunen artean dugula.
Hilotzaren jarrera (Savasana): Yoga-saioa amaitzeko erabiltzen da eta erlaxazio-asana nagusietako bat da.
Zapatariaren edo tximeletaren jarrera (Baddha Konasana): Eseritako posiziotik makurtzeko beste jarrera bat da. Oinazpiak elkartu, eta gorputzetik ahalik eta hurbilen eramaten dira, enborra pixka bat aurrerantz makurtzen saiatuz.
Esfingearen jarrera (Salamba Bhujangasana): Luzapen-jarrera bat da. Ahoz behera etzanda, 90 graduko angelua osatuko dugu ukondoekin, eta besoaren goiko aldea zoruarekiko perpendikular geratuko da.
Behiaren jarrera (Bitilasana): Kasu honetan, bizkarrezurra lurrera hondoratzen da, lepoa luzatzen dugun bitartean.
Katuaren jarrera (Marjaryasana): Saiatu bizkarra ahalik eta gehien borobiltzen kokotsa enborrera eramatearekin batera.
Eguzkiari agur esateko jarrera (Surya Namascarasana): Zutik zaudela, enborra luzatu eta pixka bat atzera eraman behar duzu.
I. gerlariaren posizioa (Virabhadrasana I): Oso jarrera ohikoa da yogan. Eguzkiari agur egitea bezala da, baina hanka bat atzera eramanda, betiere, belaunak lurra ukitu gabe.