Maiatzaren 29an ospatuko da aurtengo Ibilaldia, ‘erroharrihar!’ goiburuarekin. Abusu ikastolak 4,2 kilometroko ibilbidea antolatu du, eta ikastetxetik bertatik abiatuko da, Ibaieder, Ollargan eta Montefuerte parkeetan zehar ibiliz. Hainbat jarduera izango dira, hala nola euskal dantzak, herri kirolak, ipuin kontalariak, musika eta magia emanaldiak.
Bilboko Udalak 30.000 euroko dirulaguntza eman dio Ibilaldiari. Ildo horretan, gogorarazi du euskararen erabilera sustatzen laguntzen duten kultur eskaintzaren eta jardueren parte dela, udalaren xede estrategiakoa izanik.
Juan Mari Aburto Bilboko alkateak eta Koldo Narbaiza Euskara eta Hezkuntza zinegotziak harrera egin diete Abusu Ikastolako zuzendari, presidente eta gerenteari, Zunbeltz Fullaondo, Joseba Barandiaran eta Zaloa Aldatzri, hurrenez hurren, 2022ko Ibilaldia antolatzen dutela eta.