Bakioko Txakolinguneak Yogurinha Borova eta Jon Zabalen ‘Txakolinaren magia’ izeneko ikuskizuna jaso egingo du. Hitzordu horretan ikusleek, emanaldiaren benetako protagonista bihurtuz, askok esaten duten “gorputz osasuntsuan buru osasuntsua” egia ote den egiaztatu ahal izango dute. Lehenik eta behin, adimena edo burua noraino irits daitekeen erakusten da eta, gero, hori lortzeko gorputza nola entrenatu behar den azaltzen da. Edo agian ez, agian dena gezurra da eta ikuskizun honek aitzakia hori bakarrik erabiltzen du leku eta une bakar batean hainbat osagai konbinatzeko, hala nola magia, komedia, musika eta€ aerobik klaseak? Egia erdiak, gezur asko eta gehiegizko eromena ezagutzen ez dugun zerbait, ez noiz eta ez nola, egiaztatzeko Gauza bakarra daukagu argi€ bai zera! Horixe ere ez dugulako argi!
Bizkaiko Foru Aldundiak bultzatutako MusEkintza, Bizkaiko Museoetako Arte Eszenikoen lehen Jaialdiaren barruan apirilaren 30ean 12:30etan, 17: 00etan eta 19:00etan hiru emanaldi eskainiko dituen «Txakolinaren magia» ikuskizunarekin dibertsioa bermatuta dago. Museoak eta arte eszenikoak uztartzen dituen ekimena da, eta hilero esperientzia desberdinak eskaintzen ditu Bizkaiko foru museoetan. Bermeoko Arrantzaleen Museoa, Balmasedako la Encartada Fabrika Museoa, Muskizko El Pobal Burdinola, Bakioko Txakolingunea, Gernikako Euskal Herria Museoa, Bilboko Arkeologi Museoa eta Muñatones Gaztelua dira MusEkintza jaialdiaren guneak.
Jaialdia irailaren 24an hasi zen eta ordutik hilabete bakoitzeko azken larunbatetan egiten ari dira, baita ekainaren 11n eta 24an ere.
Aldez aurretik erreserba egin behar da joan nahi den ekitaldia egingo den museo edo gune bakoitzean. MusEkintzari buruzko informazio guztia esteka honetan kontsulta daiteke.