Ekinez jaialdia ospatuko da ekainaren 10ean eta 11n Bergaran, eta punk, rock eta oi! taldeak batuko ditu Agorrosin futbol-zelaian.
Egitaraua 15 musika talde baino gehiagok osatuko dute. Antolatzaileek jakinarazi dutenez, besteak beste, Johhny Gerriwelt, Rotten XIII, Brigade Loco, Kaleko Urdangak, Unidad Alavesa, Pubyk Enemy, Labana, Neallta Fola.
Gainontzeko izenak hurrengo asteetan emango dituzte ezagutzera. Ekinez bi egunez ospatuko da, ekainaren 10ean eta 11n, ostiralean eta larunbatean, eta Bergarako Agorrosin futbol zelaia egingo da, berritze lanak hasi baino lehen.
Jaialdiaren antolaketan Ekinez Musika Elkartea ari da lanean. Egungo Euskal Herriko musika eszena alternatiboari dagokion espazioa ematea eta Bergarako herritarrei musika hauek gerturatzea dira elkartearen helburuak.
Sarrerak salgai daude jada Entradium plataformaren bitartez. Jaialdiko bi egunetako bonuak 30 euroko salneurria du, eta egun baterako sarrerak 20 eurokoa.