Redd Kross taldeak Bilboko Kafe Antzokian joko du 2020ko apirilean, ‘Beyond The Door” disko berria aurkezteko

Jeff eta Steven MacDonald 1978an sortu zuten “Redd Kross’ taldea.

UNAI GANDARIAS-AGENTZIAK/ Redd Kross talde estatubatuarra Euskal Herritik igaroko da ‘Beyond The Door’ izeneko disko berria aurkezteko biran, eta Bilboko Kafe Antzokian joko du 2020. urteko apirilaren 19an, taldeak berak astelehen honetan iragarri duenez. Sarrerak asteazkenean jarriko dira salgai, urriaren 23an, goizeko 10:00etan.

“Hemen gauden bitartean ahalik eta hobekien pasatzeko erabateko konpromisoan” inspiratu da taldea disko berria egiteko. Jeff eta Steve McDonald anaien bizitzan eragina izan duen ororen “ospakizun eta rock and roll diskoa” da ‘Beyond The Door’.

Musikalki, lan berrian gitarrak, baxua eta bateria uztartzen dira ahots melodia bikainekin eta “arrisku dosi handiarekin”. Gainera, aspalditik taldeko zuzeneko musikari diren Jason Shapiro gitarristak eta Dale Cover bateria jotzaileak lehen aldiz parte hartu du grabazioan. Anna Waronker (That Dog), Gere Fennelly (taldeko kide ohia), Buzz Osborne (Melvins) eta Josh Klinghoffer musikariek ere kolaboratu dute.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude