Egilea: Joseba Sarrionandia
Argitaletxea: Pamiela
Bizitzea ez al da oso arriskutsua? Esaldi horrekin hasi eta bukatzen du Joseba Sarrionandiak bere eguneroko hau. Testu laburrez eraikia, kartzelan idatzitako Ni ez naiz hemengoa gogoangarri haren moduan, egilea Kubatik ari zaigu orain. Habanako gauak lasaiak izaten dira, auzokoren batek errime uzten du musika, katuek marruma egiten dute teilatuetan, tximista lehor batzuk ikusten dira hodeiertzean. Gaukaria berez bezala hasi zen osatzen ustekabeko gaiekin: eguneroko bizimoduko momentuak, telebistako albisteak, lagunarteko enkontruak, ideien tolesdurak, liburu edo pelikularen batek probokatutako epifania txikiak.