Nekazal simulazioa gustuko dutenak zorioneko dira maiatzean, Sonyk Farming Simulator 19 bertsioa oparituko baitie Play Station Pluseko erabiltzaileei. Jada ezaguna den saga honen bertsiorik berriena osoena ere bada. Grafiko hobetuak, sakontasun handiagoa eta Amerikako eta Europako lurraldeetan etxalde erraldoi bat hobetzeko aukera. John Deere, Case Ih, New Holland, Challenger, Fendt, Massey Ferguson, Valtra, Krone, Deutz-Fahr eta beste hainbat nekazaritza-marka nagusietako 300 ibilgailu eta makinaz osatutako katalogoa da.
