Iruñeko Zabalguneko Merkatuak, Nafarroako 17. Komiki Azokarekin lankidetzan, programaren edizio honetako proposamenik originalenetako eta karga sozial handieneko bat hartzen du. Izan ere, La Aldea Irreductible: Merkatua Inperioaren aurrean, udal espazio honetako merkatariak Asterix eta Obelixen bizilagun bihurtzen ditu, René Goscinny eta Albert Uderzok sortutako pertsonaia ospetsuak.
Karikatura sorta baten bidez, auzoko merkataritzak saltoki handiei eta merkataritza elektronikoari aurre egiteko duen eguneroko borroka islatzen du erakusketak, umorez, hurbiltasunez eta errebeldia pittin batekin.
Ekimena jaialdiko ilustratzaile talde baten eta Comiruña udal-enpresa publikoaren arteko lankidetzatik sortu da. Enpresa horrek zuzenean kudeatzen ditu Zabalguneko Merkatua, Ermitagañako Merkatua eta Santo Domingoko Merkatua.
Iraunkortasunaren balioa ikusaraztea
Helburu nagusia da giza tratuaren, produktu freskoaren eta lanpostu guzti-guztiek adierazten duten iraunkortasunaren balioa ikusaraztea. Frantziako herrixka txikiak Julio Zesarren Inperioko legioen bultzadari arrakastaz eusten zion bezala, “gure profesionalek egunero defendatzen dute beren espazioa ezagutzen duten edabe magiko bakarrarekin: kalitatea, espezializazioa eta bizilagunen fideltasuna”.
Erakusketa Zabalguneko Merkatu plazan zehar egindako ibilbide bisual batek osatzen du, Frantziako unibertsoan beren alter egoa aurkitu duten sekzio ezberdinetako 10 postu adierazgarriko erakusketa baten bitartez.
Bisitariek Merkatuko eguneroko benetako aurpegiak identifikatu ahal izango dituzte komikiko heroien karikatura ezberdinen pean. Hauek parte hartzen dute: Congelados Bermejo, Deshuesados Ochoa, Frutas y Verduras Bermejo, Pescadería Sofía, Panadería Burguete, Quesería Tainta, Al Gramo, Dulces 52, La Tiendita del Vino, Floristería Villanueva.