“Danzad, Danzad, Malditos Invierno” saioak hiru artistaren hiru solo aurkeztuko ditu larunbat honetan, martxoaren 7an, Ziudadelako Armen Aretoan: Raquel Jara, Alejandro Moya eta Anja Milianic. Edizio berri honek udako jaialdiaren funtsa mantentzen du, dantzaren eta gorputz sorkuntzaren aldeko apustua berretsiz. Jardunaldia 19:00etan hasiko da eta sarrera librea izango da lekua bete arte.
Jaialdiaren helburua dantza herritarrei hurbiltzea da, arte-hizkuntza eskuragarri eginez eta errealitateari buruzko elkarrizketa eta begirada berriak sustatuz. Proiektua Iruñeko Udalak bultzatu du eta Acieloabierto sarearen parte da. Carmen Larrazen zuzendaritza artistikoarekin, “Danzad, Danzad, Malditos” mugimenduaren arteen inguruko sorkuntza eta erakusketa bultzatzen duen plataforma gisa sendotzen jarraitzen du, dantza publiko ezberdinetara hurbilduz espazio ez-konbentzionaletan eta sarbide librekoetan.
Raquel Jara artista kanariarrak “Entre Maguas” aurkeztuko du, dantza urbanotik eta garaikidetik, identitatearen arrakalak eta gorputzak iraganetik askatzeko duen erresistentzia aztertzen dituen pieza. Ondoren, Alejandro Moya madrildarrak “Desvelo – Tokonoma” aurkeztuko du, lan fisikoaren eta ekintzarako espazio propio baten eraikuntzaren inguruko ikerketa. Tokonoma kontzeptu japoniarrean oinarrituta, piezak mugimendua zaintza, entzute eta presentzia gisa proposatzen du. Eszena-proposamenei amaiera emateko, Anja MiliÃo kroaziar sortzailea izango da, sortzen ari den artista, hip hoparen, housearen eta break dance-aren eraginak uztartzen dituena, nortasunean eta autodefinizio-prozesuetan sakonduz.
Programazioari hasiera emango dio, 19:00etan, ziklo honen ezaugarrietako bat, Marcos Quel, Lucas Torres, Ander San Martín, Isaak Duarte eta Alba Duartek osatzen duten jaialdiko parkour taldeak. Parkourra ere protagonista izango da jardunaldiaren amaieran, Armen Aretoan bertan egingo den azken erakustaldiarekin.