Uztailaren 5ean, 22:00etan, La Txama taldeak eszenatokia hartuko du Usurbilgo Txosnagunean, sarrera librearekin.
Donostiako eta Iruñeko musikariekin osatutako proiektu honek euskarazko lehen corrido tumbado diskoa kaleratu zuen 2024an, eta ordutik gazte askoren belarriak konkistatu ditu, bai soinuagatik, bai mezua eta jarrera politikoagatik.
Cumbia, ranchera, trap eta musika mexikarraren doinuak euskararekin eta euskal herri imajinarioarekin nahasten ditu taldeak, “euskorrido” izendatu duten genero propioa sortuz. Taldearen abestiek kalean eta herrian oinarritutako kontakizunak dakartzate, humorez eta borrokaz jantziak, dantzara eta pentsatzera gonbidatuz aldi berean.
La Txamaren zuzenekoek giro bero eta kolektiboa sortzen dute: kontzertu bat baino gehiago, esperientzia bat dira, herri-musika forma garaikideetan berpentsatua, euskara hutsez eta erresistentziaz egina. Txosnagunean izango da, oholtzarik naturalena: herriaren erdian eta herriarentzat.