Sara Fantova bilbotarrak aipamen berezia jaso du Malagako Zinemaldian ‘Jone, batzuetan’ filmarengatik. Bere palmaresean, Malagako Zinemaldiaren hogeita zortzigarren edizioko Film Luzeen Sail Ofizialeko epaimahaiak Espainiako Film Onenaren Urrezko Biznaga eman dio Eva Libertad zuzendariaren ‘Sorda’ zintari, eta Film Iberoamerikar Onenaren Urrezko Biznaga Vinko Tomicic zuzendariaren ‘El ladrón de perros’ filmari.
Horren berri eman dute larunbat honetan Mercedes Moran lehiaketako film luzeen epaimahaiko presidenteak eta Juan Antonio Vigar lehiaketaren zuzendariak. Epaimahaiaren Sari Berezia Belen Funesen ‘Los tortuga’ filmarentzat izan da, eta Publikoaren Saria ‘Sorda’ filmarentzat.
Gizonezko Interpretazio Onenaren Zilarrezko Biznaga ‘ex aequo’ eman zaie Alex Cervantesi ‘Sorda’ filmean egindako pertsonaiagatik eta Mario Casasi ‘Molt lluny (Oso urrun)’ lanagatik. Emakumezko Interpretazio Onenaren saria, berriz, Angela Cervantesek (‘La furia’) eta Miriam Garlok (‘Sorda’) ere jaso dute.
Zuzendari onena Belen Funes izan da, ‘Los tortuga’ lanagatik, eta epaimahaiak aipamen berezia egin dio Sara Fantovari eta Celia Ricori, ‘La buena letra’ lanagatik.