Nafarroako Orkestra Sinfonikoak (OSN/NOS) hiru herri bisitatuko ditu aste honetan Andante 24-25 zikloaren barruan: Barañain, Lizarra eta Lesaka. Kontzertuak udalekin elkarlanean egingo dira.
Taldeak Juan Crisostomo Arriagaren Esklabo zoriontsuen Obertura, Franz Joseph Haydnen Do Maiorreko 82. sinfonia “Hartza” eta Thamos, Egiptoko erregea (Entreacto 1) eta Wolfgang Amadeus Mozarten Obertura interpretatuko ditu.
Podiumean Pedro Bartolome izango da, Burgosko Gazte Orkestra Sinfonikoaren (JOSBU) musika eta arte zuzendaria, 2013an sortu zenetik, eta Burgosko Denboraldi Lirikoa 2022tik. Oviedo Filarmonía, Gaztela eta Leongo Orkestra Sinfonikoa, Euskadiko Orkestra, Bilboko Orkestra Sifonikoa eta Sevillako Errege Orkestra bezalako orkestrak zuzendu ditu, baita Italiako, Erresuma Batuko, Bulgariako eta Belgikako beste batzuk ere. Eta opera-antzoki nabarmenetan egin du debuta, La traviata, Norma eta Cosí fan tutte zuzendurik, besteak beste. Bere 2025eko konpromisoak Don Pasquale eta La Bohème dira.
Egutegia
Barañaingo Auditorioan izango da lehenengo kontzertua, martxoaren 26an, 19:30ean. Jarduera sarrera doakoa izango da, martxoaren 5ean arratsaldeko 18:30etatik aurrera txarteldegian eta webgunean sarrerak kendu ondoren. Martxoaren 27an, ostegunean, Lizarrako Los Llanos kultur gunean izango da hitzordua, 19:30ean. Lesakan, kontzertua martxoaren 28an izango da 19:30etan Harriondoa Kultur Etxean. Sarrerak 8 eta 10 euro balio dute, hurrenez hurren, eta leihatilan eta webgunean eros daitezke.
7 hitzordu
Guztira, OSN/NOSek zazpi kontzertu eskainiko ditu Andante 24-25 zikloaren barruan, errepertorio klasiko handia Foru Komunitateko hainbat txokotara eramanez, abonu denboraldiak dauden herrietatik haratago (Iruñea, Tafalla eta Tutera). Aurtengo azken biak apirilean izango dira: 24an, Karmengo auditorioan, Zangozan; eta 25ean, Iortia kulturgunean, Altsasun. Biak 19:30etan izango dira eta Yorrick Troman izango dute zuzendari kontzertino.