Oscar sariak igaro berri dira eta aspalditik izendapenak ezagutzen bagenituen ere, ziur oraindik ez dituzula guztiak ikusi. Hona hemen, irabazleak, bederen, ikusi ahal izateko informazio guztia.
Oppenheimer
Pelikularik onenaren saria eraman du eta zinema aretoetan ere sekulako arrakasta ukan zuen. Chirstopher Nolan zuzendariaren lan berria da eta Cillian Murphy eta Robert Downey Jr ere sarituak izan ziren. Amazon Prime Video-n, Movistar Plus-en, Apple TV-n, YouTube-n eta Google Play-n ikusi daiteke 4,99 euroren truke.
Poor things
Emma Stone-k Oscar sarietako momenturik samurrena utzi zigun, aktore onenaren saria irabazi ostean. Disney+ plataforman dago.
Anatomie d’une chute
Gidoi onenaren saria irabazi du pelikula frantses honek. Laster Movistar Plus eta Filmin plataformetan egongo da.
The Holdovers
Gabonak elkarrekin pasatzera behartuak dauden hiru pertsonen istorioa kontatzen du. Da’Vine Joy Randolph-ek aktore onenaren saria eraman du honegatik. Zinemetan eta Disney + plataforman ikus liteke.
Kimitachi wa do ikiru ka
Hayao Miyazaki maisuaren lan berriak animazio film onenaren saria eraman du Pablo Berger bilbotarraren Robot Dreams ederrari gailenduz. Biak ala biak, oraindik ez dakigu noiz iritsiko diren plataformetara.
Barbie
Munduko panpinarik ezaguneraren pelikulak sekulako arrakasta izan du, pasa den udako protagonista izan zen. Horrenbeste, ezen Ryan Gosling-ek Ken Oscar sarietaraino eraman baitzuen eta I’m just Ken abestia modu bikainean interpretatu. Billie Eilish-ek abesti onenaren saria jaso du pelikulako What was I made for? kantuagatik. HBO Max, Movistar + eta Apple TV-n ikusgai.
The Zone of Interest
Britainiar pelikula honek atzerriko pelikula oneanaren saria eskuratu du. Soinu onenarena ere bai. Auschwitz-eko arduradunak direnen bizitza ia idilikoa kontatzen du. Zinema aretoetan dago ikusgai edo Disney + plataforman.
20 dniv u Mariupoli
Laburmetrai-dokumental honek Ukrainako hiriaren setiaketa kontatzen du eta Oscar bat irabazi duen historiako lehen pelikula ukrainiarra bihurtu da. Filmin-en dago ikusgai.